قصص رائعة عن الرزق
( عسي أن تكرهوا شي وهو خيرا لكم وعسي أن تحبوا شي وهو شرا لكم ) كل حاجة بتحصل ف حياتنا بتكون خير لينا حتي لو حاجة احنا شايفين انها شر ربنا بيكون ليه حكمه ف اي حاجة بتحصل والحاجة لو مش خير ربنا مش هيخليها تحصلنا انا ف بيت بسيط ابويا عامل يوميه رزقه يوم بيوم حالتنا ع أدنا اوي الحمد لله بس هو فترة اشتغل م حكيم عندنا ف القرية ف بيفهم ف العلاج ال حداً ما هو بيحاول ع اد م يقدر يعوضنا بحبه وحنيته علينا كنت ف يوم قاعدة انا وامي واخواتي وابويا رجع م برا كان باين عليه مبسوط وفرحان وقلقان ف نفس الوقت هو متعود لما يرجع
يطمن علينا يسال كل واحد ع أخباره ويهزر ويضحك معانا وبنتلم كلنا ناكل م بعض ودايما يسأل امي عن اخبار يومها وبيسمعها بهدوء مش زي
باقي الرجاله ال شايفه أن الست لما بتحكي رغايه وصداع والجو ده ف امي طبعا سألته خير ي حاتم شكلك مبسوط ماشاء الله ايه ال حصل ف حكالنا ال حصل قالنا كان قاعد هو وصحابه ووسط الكلام جات سيرة الحج وهو كان نفسه م زمان يحج بس وضعنا مكنش مساعد ولما الكلام اتفتح قدامه خلاه يفكر في الحج تاني وطبعا قعد يتكلم معانا ويقولنا أنه عايز يروح وبيقنعنا بده ف امي قالتله ازاي واحنا مش معانا والحال ع الاد
هنصرف منين وهنعيش ازاي وانت مش موجود اخت الصغيرة ردت عليها قالتها هيحصل ايه ربنا مش بينسي حد يعني هو لو سافر ربنا مش هيرزقنا فقرر أنه هيسافر وقبل م يمشي سابلنا فلوس تكفينا 3 ايام مصاريف وبعد م رجع م سفره حكالنا ال حصل معاه كان مسافر باخره لانه مكنش معاه فلوس يسافر طيران ف السفينه كان عليها حد ليه مركز وسلطة فتعب منهم ولحسن حظ ابويا أنه مكنش فيه دكتور معاهم وهو اداه علاج واخد باله منه لحد م وصل وطبعا اتعرف ع ابويا وعرف تفاصيل حياتنا كلها وتكفل بمصاريفه طول فتره الحج ووعده لما يرجع هيكون ليه
شغل معاه طبعا ابويا فرح وقتها وقالنا فضلت طول الوقت ادعيلكم أن زي م ربنا رزقني ف سفري يرزقكم ف البيت كان وقتها عدت علينا 3 ايام وفلوسنا خلصت فعلا مكناش لاقيين لا اكل ولا شرب اخواتي الصغيرين كانوا بيعيطوا م كتر الجوع فقولت لاختي الصغيرة انتي ال اقنعتينا يسافر ردت عليا انتو بتعيطوا ليه هو مسافر بس ربنا موجود في الوقت ده باب البيت خبط واحد بيقولنا عربيتهم باظت ف منطقتنا ومراته تعبانه منه
ومحتاج مكان تستريح فيه ف رحبنا بيهم كان باين ع شكلهم ناس أغنياء امي فرحت قالت ده خير وربنا بعته ف جبتلهم مايه وهما كان معاهم اكل
كتير وفضلوا موجودين اليوم ده وعرفوا كل حاجة عننا ولما عرفوا أن ابونا مسافر للحج ومفيش حاجة ف البيت خالص كان معاهم اكل وفلوس كتير عطونا كل حاجة معاهم وكتبولنا كمان شيك بمبلغ كبير يكفينا كتير فرحنا اوي وعرفنا أن ربنا بيعوض وهو الرازق أختي الصغيرة م الفرحة عيطت كتير وقالتلنا قولتلكم الرزاق موجود وبعدها ابويا رجع م سفره واشتغل فعلا م الرجل ال كان معاه ف الحج وفتح مشروعه الخاص بيه
وربنا وسعها علينا ورزقنا م وسع وحياتنا اتيسرت جدا وبيتنا بقي مفتوح لاي حد ومساعدته لوجه الله الفكرة أن ربنا بيعوض ع الصبر والتعب ف تفألوا الخير تجدوه جدا والله وكل متوقع ات ربنا يعوضنا خير دايما
وتوته توته خلصت الحدوته
لو خلصت قراءه وعجبتك القصة علق بدعوة لاهلك لتصلك كل منشوراتنا وتصل لأكبر عدد لعل الله يفتح بها قلوب مغلقة
قال تعالى (وَذَكِّرْ فَإِنَّ الذِّكْرَى تَنْفَعُ الْمُؤْمِنِينَ) صدق الله العظيم
قالَ رسُولُ اللَّهِ ﷺ:
((الْبخِيلُ مَنْ ذُكِرْتُ عِنْدَهُ، فَلَم يُصَلِّ علَيَّ))
والدال على الخير كفاعله والأهم الصلاة على الحبيب محمدﷺ ☜
فمن صل عليه صلاة صل الله عليه بها عشرًا
اللهم صل على سيدنا محمد وعلى آله وصحبه أجمعين
ولا تبخل بمشاركتها في مجموعاتك جزاك الله خيرآ
 كل حاجة بتحصل ف حياتنا بتكون خير لينا حتي لو حاجة ا...){kind=link}
تعليقات: 0
إرسال تعليق